Ходимларни, ота-оналарни, ўқувчиларни қандай қилиб импорт қилиш мумкин?

Подписаться
Avatar
Иззатова Хилола

Файлни импорт қилиш учун таййорлаш

Импорт процедурасини бошлаш учун сиз xlsx (Microsoft Excel 97-2003) ёки xlsx (Microsoft Excel 2007-2014) форматидаги дастлабки файлларни ходимлар, ўқувчилар ва ота-оналарнинг маълумотлари билан тайёрлашингиз керак. Битта файл қуйидагилардан иборат бўлиши керак:

  • ходимлар тўғрисидаги маълумотлар;
  • бир синф ўқувчиларининг маълумотлари;
  • битта синфнинг ота-оналари тўғрисидаги маълумотлар;
  • бир файлда битта синф ўқувчилари ва уларнинг ота-оналари тўғрисидаги маълумотлар.

Ўқувчилар маълумотларини импорт қилишда, ҳужжатнинг биринчи варағидаги устунларда қуйидаги маълумотлар кўрсатилиши керак:

Исм фамилияси (ФИШ) (отасининг исми мажбурий алоҳида майдонда бўлиши шарт эмас), жинси, туғилган санаси.

Изоҳ: «Мактабга келган сана» устунида ўқувчининг таълим муассасасига ҳақиқатан келган санаси кўрсатилади. «Синфга келган сана» устунида сиз жорий ўқув йилини кўрсатишингиз керак, чунки ҳар йили ўқувчилар кичик синфдан катта синфга ўтади.

Файлдаги «Мактабга келиш санаси» ва «Синфга келган сана» устунларини тўлдириш мажбурий талаб қилинмайди. Агар ушбу устунлар файлда бўлмаса, унда импорт пайтида тизим барча импорт иштирокчилари учун сана маълумотларини киритиш учун умумий майдонларни кўрсатади.

Изоҳ:

  • устунларнинг номларини киритиш мажбурий эмас;
  • иштирокчиларнинг исм фамилияси (ФИШ) битта устунда кўрсатилиши мумкин (битта пробелдан кейин);
  • агар баъзи иштирокчиларда иккита фамилия, исм ёки отанинг исми бўлса, тўлиқ исм маълумотларини учта устунга бўлиш шарт.

 w256h2561372777059Exclamation.png Импорт учун намунавий файллар шаблонлари мақолага илова қилинган.

 

Кўчириб ўтказиш (импорт)

Биринчи навбатда  ходимларнинг маълумотларини импорт қилишни бошлаш керак. Кейин сиз ўқувчилар маълумотларини импорт қилишингиз мумкин. Ота-она маълумотларини импорт қилиш фақат ўқувчилар маълумотларини киритгандан сўнг мумкин (ёки сиз бир вақтнинг ўзида ўқувчилар ва ота-оналар маълумотларини импорт қилишингиз мумкин).

Импорт тартибини бошлаш учун «Мактабнинг бошқаруви» бўлимига ўтинг ва «Одамлар» бўлимидаги «Кўчириб ўтказиш» бандини босинг.

1-қадам. Маълумотлар манбаи

Импорт бошида Тизим сиздан қайси турдаги импортни амалга оширишни белгилашингизни сўрайди.

 

___________.jpg

 

Изоҳ: алоқа маълумотларини аллақачон яратилган фойдаланувчиларнинг профилларига кўчириб ўтказиш мумкин. Буни амалга ошириш учун импорт бошида сиз менюнинг иккинчи вариантини яъни «Олдиндан яратилган шахслар учун алоқа маълумотларини импорт қилиш» -ни танлашингиз ва маълумотлар тўғри тўлдирилган файлни юклашингиз керак (мақоланинг иловасида намунавий файлларни кўришингиз мумкин).

Кейинчалик, «Файлни танлаш» тугмачасини босишингиз керак олдиндан тайёрланган файлни танланг ва файлнинг биринчи қаторида нима борлигини кўрсатинг: иштирокчи маълумотлари ёки устун номлари.

 

41.jpg

 

2-қадам. Созламалар

Очилган саҳифада сиз импорт қилинадиганлар рўйхатидаги шахсларга мос келадиган иштириокчилар ролини кўрсатишингиз керак: ходимлар, ўқитувчилар, ўқувчилар, ота-оналар ёки ўқувчилар ва ота-оналар.

 

___________________________________.jpg

 

Ўқувчиларни импорт қилишда сиз қуйидагиларни кўрсатишингиз керак (агар бу маълумотлар импорт файлида бўлмаса):

  • таълим муасасасига ва синфга келиш санаси;
  • синф коди.

 

_______________________________.jpg

 

Кейинчалик, тизимдаги ва файлдаги устунлар мутаносиблигини ўрнатишингиз керак:

 

_____________________.jpg

 

Барча маълумотларни киритгандан сўнг, «Кейинги қадам» тугмасини босинг.

3-қадам. Маълумотни текшириш

Дастлабки текшириш натижалари импорт файлидаги маълумотларнинг қай даражада тўлдирилганлигини ва маълумотни қайта киритишни олдини олади.

Ушбу босқичда ота-оналарнинг маълумотларини импорт қилишда «ота-она» - «ўқувчи» алоқаларини ўрнатиш керак: ота-она исмининг қаршисида, «Боласи» устунида сиз унинг фарзандининг исмини танлашингиз керак.

 

________________________.jpg

 

Агар маълумотларни текшириш пайтида хато аниқланса, хабарнома пайдо бўлади. Хабарноманинг матни билан танишиб чиққандан сўнг, хатоларни тузатиш ва қайта импорт қилишни бошлаш керак. Агар текширув муваффақиятли ўтган бўлса, «Кейинги қадам» тугмасини босишингиз керак.

Эслатма: агар файлга битта бола учун иккита ота-она киритилган бўлса, импорт пайтида ўқувчи учун иккита профиль яратилади, уларнинг ҳар бирида фақат битта ота-она бириктирилади.

Барча ҳолатларда, қариндошларнинг маълумотларини қўшиш, таҳрирлаш ва йўқ қилиш ва иштирокчилар ўртасида оилавий алоқаларни ўрнатиш, ўқувчилар маълумотларини таҳрирлаш саҳифасида амалга оширилади.

4-қадам. Кўчириб ўтказиш (импорт)

Тизим импорт натижалари билан саҳифани очади. Агар сиз яна бошқа файлни импорт қилмоқчи бўлсангиз, «Янги импорт қилишни бошлаш» тугмачасини босинг.

Қуйидаги ҳолларда ота-она маълумотларини киритиш тақиқланади:

  • ота-онанинг маълумотлари таълим муассасасига ходим сифатида илгари киритилган;
  • ота-она аллақачон бошқа таълим муассасасининг ходими сифатида лойиҳада рўйхатдан ўтган;
  • ота-онанинг бир хил ёки турли хил таълим муассасаларида ўқиётган бир нечта болалари бор.

w256h2561372777059Exclamation.png Агар тизим маълумотлар базасига ота-оналар маълумотлари ўрнига бобоси / бувиси, ўгай отаси / ўгай онаси, васийлари (ўқувчиларнинг қонуний вакиллари) маълумотлари киритилган бўлса, у ҳолда ўқувчи ва унинг қонуний вакилининг маълумотларини бир вақтнинг ўзида импорт қилиш керак.

Была ли эта статья полезной?

Комментарии