Ходимлар учун мобил илова

Мобил дастурини Play Market-да юклаб олиш мумкин (Android фойдаланувчилари учун).

Дастурга кириш Kundalik.com Тизимидаги фойдаланувчи логини ва пароли орқали амалга оширилади.

 

 

Таълим ташкилотини танлаш

Агар ходимнинг профили бир нечта таълим ташкилотларида рўйхатга киритилган бўлса, у ўзи маълумот кўришни истаган ташкилот профилини танлаши мумкин. Кўриш учун ташкилотнинг аватарини босиш керак.

 

 

«Муҳим» бўлими

«Муҳим» бўлимида иккита блок кўрсатилади:

• «Журнални юритиш» блоки;
• «Ёзувлар» блоки.

«Журнални юритиш» блоки

«Журнални юритиш» блокида уй вазифалари топширилмаган ва баҳоланмаган дарслар сони тўғрисида маълумотлар мавжуд.

Блокда киритилмаган баҳолар кўрсаткичи ёки уй вазифалар топширилмаган кўрсаткичи кўрсатилиши мумкин: ўтган дарслар учун қизил кўрсаткичлар ва келгуси дарслар учун кўк кўрсаткичлар белгиланади.

Ходим фақат дарс жадвалида фан бўйича ўқитувчи сифатида белгиланган дарсларнинг кўрсатгичларини кўради.

 

 

Қуйидаги холатларда «Баҳолар билан муаммолар мавжуд» деган хабар пайдо бўлади:

• дарс ўтказилган кундан икки ҳафтадан кўп вақт ўтмаган, лекин бир кундан кўпроқ вақт ўтган бўлса;
• дарс учун битта хам баҳо киритилмаган;
• дарс учун «Дарс ўтказилди» бандида тасдиқ белгиси кўрсатилмаган.

Қуйидаги холатларда «Уй вазифаси билан муаммолар мавжуд» деган хабар пайдо бўлади:

• ушбу фан бўйича дарс, дарс жадвалига мувофиқ, яқин кунга белгиланган;
• ушбу дарс куни учун фан бўйича уй вазифаси киритилмаган.

Эслатма: агар бир кунда, синфда фан бўйича иккита дарс ўтказилса, ушбу иккита дарснинг камида бирида уй вазифаси киритилган бўлса, иккинчи дарс учун уй вазифаси топширилмаган деб хисобланмайди.

Дарслар сони кўрсатилган тугмани босганингизда, дарслар рўйхатида қуйидаги маълумотлар очилади:

• синф;
• фаннинг номи;
• дарс ўтказилган сана.

«Ёзувлар» блоки

«Ёзувлар» блокида ходимнинг аккаунти рўйхатга киритилган барча мактаблар профилларида охирги икки ҳафта ичида нашр этилган эълонлар ва ёзувлар кўрсатилади.

 

 

Иловада фақат синфлар учун ёзувлар яратилиши мумкин, бутун таълим муассасаси учун ёзувлар яратиш имконияти мавжуд эмас.

Хабарни босганингизда, ёзув саҳифаси шарҳлар билан очилади, шунингдек ўз шарҳларингизни қўшиш учун махсус майдон мавжуд бўлади.

 

 

«Дарс жадвали» бўлими

«Дарс жадвали» бўлимида танланган кун учун ўқитувчининг дарслари кўрсатилади.

Бўлимда ўқув йили доирасида ҳафта ёки кунлар бўйича йўналтиришлар мавжуд. «Ўқ» (кўрсатгич) белгисини босганингизда, сиз ҳафтани танлашингиз мумкин, ва дарснинг санасини босганингизда, бир кунни танлашингиз мумкин.

Бир кунлик дарс жадвали саҳифасида дарслар блоки мавжуд.  Ҳар бир блокда синф ҳақида маълумот, фаннинг номи, дарс ўтказилиш вақти, топширилган уй вазифаси кўрсатилган.

 

 

Қўшимча блокда киритилмаган баҳолар кўрсаткичи ёки уй вазифалар топширилмаган кўрсаткичи мавжуд бўлиши мумкин: ўтган дарслар учун қизил кўрсаткичлар ва келгуси дарслар учун кўк кўрсаткичлар белгиланади. Кўрсаткични босганингизда сиз тегишли бўлимларга: уй вазифасини топшириш экранига ёки «Журнал» бўлимига ўтасиз.

 

 

Дарс саҳифаси

Танланган дарснинг саҳифасида қуйидаги ҳаракатлар мавжуд:

• ҳисобот даврига киритилган фан журналига ўтиш;
• дарс ўтказилгани ҳақида тасдиқ белгисини киритиш;
• дарс учун мавзу киритиш;
• ушбу ва кейинги дарслар учун уй вазифаларини қўшиш, таҳрирлаш;
• дарсда ўтказиладиган ишни қўшиш ёки таҳрирлаш.

 Агар жорий дарс учун баҳолар киритилмаган бўлса, экраннинг юқори қисмида «Баҳо йўқ» ва  агар уй вазифаси топширилмаган бўлса – «Уй вазифаси йўқ»  хабари кўрсатилади.

 

 

Дарс ҳақидаги умумий маълумотлар кўрсатилган блокда сиз дарс ўтказилгани ҳақида тасдиқ белгисини киритишингиз мумкин. Блокда, шунингдек, дарс мавзуси ҳақидаги маълумотлар кўрсатилган.

 

 

«Дарс мавзусини қўшиш» тугмачасини босганингизда, дарс мавзусини яратиш учун махсус саҳифа очилади.

Агар дарс мавзуси илгари яратилган бўлса, уни босганингизда, дарс мавзусини таҳрирлаш учун саҳифа очилади.

 

 

«Ушбу дарс учун уй вазифасини қўшиш» тугмачасини босганингизда, жорий дарсга уй вазифасини яратиш учун саҳифа очилади ва «Кейинги дарс учун уй вазифасини қўшиш» тугмачасини босганингизда, фойдаланувчи фан бўйича ўқитувчи сифатида тайинланган кейинги дарснинг саҳифаси очилади.

Агар УВ аввалроқ яратилган бўлса, уни босганингизда уй вазифасини таҳрирлаш учун саҳифа очилади. Уй вазифаларини таҳрирлаш саҳифасида сиз маъмур томонидан киритилган баҳолаш турини, баҳоларнинг журналда кўринишини танлашингиз, шунингдек тавсиф қўшишингиз мумкин.

 

 

«Яна иш қўшиш» тугмачасини босганингизда, дарсни баҳолаш турини, дарсдаги иш турини танлаш, шунингдек ишнинг тавсифини киритиш мумкин бўлган саҳифа очилади.

 Уй вазифаси ва иш турини мобил илова орқали ўчириб бўлмайди.

Эслатма: дарс маълумотларини таҳрирлаш ҳуқуқига эга бўлмаган ўқитувчи дарс мавзусини, уй вазифасини ва иш турини таҳрирлаш ва қўшиш тугмачаларини кўрмайди.

«Журнал» тугмачасини босганингизда, дарслар саҳифасида экраннинг юқори ўнг бурчагида  жорий ҳисобот даври учун фан бўйича журнал очилади.

«Журналлар» бўлими

Бўлимда журналлар икки гуруҳга бўлинади:

• «Синф раҳбари» - ёрлиғда ходим синф раҳбари деб тайинланган сифлар кўрсатилади;
• «Фанлар» – ёрлиғда дарс жадвалида фан бўйича асосий ёки ўринбосар ўқитувчи деб тайинланган дарслар кўрсатилади.

Журналлар синфлар бўйича гуруҳланган. Синф рақами / номининг ўнг томонида «Синф саҳифаси» тугмаси кўрсатилган, ушбу тугмани босиш орқали синф саҳифасига ўтиш амалга оширилади.

Журнал картасига босилганда журналга ўтиш амалга оширилади ва фаннинг номи, ўқувчилар гуруҳи, шунингдек «Баҳо йўқ» ёки «Уй вазифаси йўқ» кўрсаткичлари кўрсатилади.

 Журналлар фақат жорий ҳисобот даври учун кўрсатилади. Бошқа ҳисобот даврига тегишли журнални танлаш учун сиз журнални очинг ва кейин юқори ўнг бурчакда ҳисобот даври номини босинг.

 

 

Агар битта фан бўйича синфда бутун синф учун ва алоҳида кичик гуруҳ учун дарслар мавжуд бўлса, фан бўйича журналлар рўйхатида иккита журнал кўрсатилади.

 

 

Эслатма: агар ўқитувчи синфга фан бўйича фақат битта дарс ўтказган холатда ҳам, у,  «Фанлар» ёрлиғида ушбу синф журналини кўради.

Фан бўйича журнал саҳифаси

Фан журналида жорий ўқув куни тўқ сариқ ранг билан белгиланган. Шунингдек, дарс кунининг ёнида кўк ва қизил кўрсаткичлар кўрсатилиши мумкин, бу дарсда уй вазифаси ёки баҳолари йўқлигини билдиради.

 

 

Дарс кунини босганингизда меню пайдо бўлади, унинг ёрдамида қуйидаги ҳаракатларни бажариш мумкин:

• Уй вазифасини қўшиш;
• дарсдаги иш турини қўшиш;
• синф саҳифасига ўтиш.

 

 

Журналда ҳар бир ўқувчининг фамилияси ва исми, белгилар киритиш катакчаларининг тепасида кўрсатилади. Ўқувчининг фамилияси ва исмининг ўнг томонида ўртача (ўртача оғирликдаги) балл кўрсатилади.

Эслатма: баҳолар киритилгандан сўнг, ўртача (ўртача оғирликдаги) баллни ўзгартириш учун сиз экранни қайта юклашингиз керак.

Баҳолаш учун қуйидагилар зарур:

• тегишли катакчани босинг;
• пайдо бўлган панелда белги ёки баҳони босинг.

 

 

Эслатма: агар керак бўлса, баҳолаш режимини «Иккиталик баҳо» тугмачасини босиш орқали иккиталик баҳога ўзгартириш мумкин.

Шунингдек, ОЗ, Б/О, Ў/Ў ТМ белгиларини киритиш мумкин. Улар Android -да баҳолар рўйхатининг охирида жойлашган.

Агар фойдаланувчи синф ўқитувчиси бўлса-ю, лекин танланган дарсга тайинланган ўқитувчи бўлмаса, унда у учун баҳолар қўшиш тугмачалари блокланади, фақат мавжудлик белгилари учун тугмалар фаол бўлади.

Мавжудлик белгисини ўрнатиш учун:

• тегишли катакчани босинг;
• пайдо бўлган панелнинг ўнг қисмида керакли ҳарфни босинг.

 

 

Баҳо / белгини олиб ташлаш учун:

• керакли катакчани босинг;

• «Ўчириш» тугмасини босинг.

Эслатма:

• фанни олиб борувчи ўқитувчи, «УВ ва баҳолар» блокига кириш ҳуқуқига эга бўлган муҳаррир ёки маъмур баҳони ва мавжудлиг белгисини ўчириб ташлаши мумкин;
• Синф раҳбари ўзи дарс олиб бормайдиган фанлар журналида фақат иштирок этиш белгисини олиб ташлаши мумкин.   

Журналдаги кул рангли катакчалар қуйидагини билдиради:

• дастурни ишга туширган фойдаланувчи дарсга ўқитувчи сифатида тайинланмаган ва администратор ёки синф раҳбари эмас;
• баҳо киритиш вақтида ўқувчи синф аъзолигига эга эмас;
• баҳоларни таҳрирлашга рухсат берилган давр муддати тугади.

Бошқа  ҳисобот даври журналига ўтиш учун саҳифанинг юқори ўнг бурчагидаги (Android учун) тақвим белгисини босинг.

Синф саҳифаси

Синф саҳифасида танланган синф ёзувлари намойиш этилади. Барча ёзувлар саҳифада яратилиш санаси бўйича тартибланган.

Иловада фақат синфлар учун ёзувлар яратилиши мумкин, бутун таълим муассасаси учун ёзувлар яратиш имконияти мавжуд эмас.

Синф саҳифасида ёзув яратиш учун қуйидагилар керак:

• «Журналлар» бўлимига ўтинг;
• кейин синф саҳифасига ўтинг;
• қалам белгисини босинг (Android учун).

 

 

Хабарни босганингизда, ёзув саҳифаси шарҳлар билан очилади, шунингдек ўз шарҳларингизни қўшиш учун махсус майдон мавжуд бўлади.

Оффлайн-режими ва синхронлаш

Илова, интернетга кирмасдан, баҳоларни ўрнатиш / ўзгартириш / ўчириш, дарс мавзусини ва уй вазифаси матнини ўзгартиришга имкон берадиган офлайн-режимини амалга оширади.

Ўзгаришлар интернет уланиши топилмагунча ва киритилган маълумотлар юборилмагунча сайтда кўрсатилмайди, яъни: синхронланмайди.

Тармоққа уланганда қуйидагиларни бажаришингиз мумкин:

• тизимга маълумотларни автоматик юборилишини кутиш;
• «Профил» бўлимидаги «Маълумот юбориш» тугмачасини босиш орқали маълумотларни мажбурий юборишни бошлаш.

 Агар синхронлаштирилмаган ўзгаришлардан кейин 24 соатдан кўпроқ вақт ўтган бўлса, «Read-only» ( фақат ўқиш) режими ёқилади, тизим маълумотларни таҳрирлашни тақиқлайди ва сиз таҳрирлашга уринаётганингизда тақиқлаш хабари пайдо бўлади, масалан, «Белгини ўзгартира олмайсиз».

Эслатма: ҳали синхронлаштирилмаган маълумотлар ҳақида батафсил маълумотни «Профил» бўлимида кўришингиз мумкин.

Профил бўими

«Профил» бўлимида дастурга криган фойдаланувчи ҳақидаги маълумотлар кўрсатилади.

 

 

Юқорида, фойдаланувчининг аватари ва унинг исм фамилияси кўрсатилади. Пастроғда «Қўллаб-қувватлаш учун ёзиш» тугмачаси мавжуд, бу сизга қўллаб-қувватлаш хизматига юбориш учун маълумотлари киритишга ёрдам беради. Пастроғда тилни танлаш учун тугма ҳам мавжуд.

Пастда синхронлаш ҳолати тўғрисида маълумотлар жойлашган: иловада тизимга юборилмаган ўзгаришлар киритилганми ёки йўқми.

Агар юборилмаган ўзгаришлар бўлмаса, блок вақтни кўрсатмасдан охирги синхронлаш санасини кўрсатади.

Агар юборилмаган ўзгаришлар бўлса, блокда қуйидагилар акс этади:

• юборилмаган баҳолар, дарслар, иш ва уй вазифаларининг умумий сони;
• «Тафсилотлар» тугмачаси босилганда, юборилмаган ўзгаришлар ҳақида батафсил маълумотлар кўрсатилган экран пайдо бўлади;
• Агар бирон бир сабабга кўра тармоққа уланганингизда синхронлаш бошламаган бўлса, маълумотларни юборишни бошлаш учун «Маълумотларни юбориш» тугмачасини босинг.

 

 

Ушбу бўлимда «Аккаунтдан чиқиш» тугмачаси мавжуд, уни босганингизда профилдан чиқасиз.

 Агар дастур синхронлаштирилмаган маълумотларга эга бўлса, унда сиз профилдан чиққанингизда улар ўчирилади. Маълумот йўқолишининг олдини олиш учун ушбу ҳолатда хабарнома кўрсатилади.

Юборилмаган маълумотлар ҳақида огоҳлантириш саҳифаси

Ушбу бўлимда маълумотлар тури бўйича гуруҳланган юборилмаган ўзгаришлар ҳақидаги маълумотлар намойиш этилади: баҳолар, давоматлар, уй вазифаси, иш ва дарслар.

Агар дастур  «Read-only» «Фақат ўқиш» режимига ўтган бўлса ва тизим маълумотларни таҳрирлашни тақиқласа, сиз ҳал қилиш усулларидан бирини танлашингиз керак:

• интернетга уланинг ва маълумотни синхронлаштиринг;
• синхронлаштирилмаган маълумотни аввал сақланг ва кейин ўчиринг.

Тизимга компютер орқали ёки дастур орқали қайта киритилиши мумкин бўлган маълумотларни сақлаш учун қуйидагилар зарур:

• саҳифанинг юқори ўнг бурчагида жойлашган «юклаб олиш» тугмачасини босинг  .
• пайдо бўлган ойнада маълумотларни юбориш ва сақлаш учун қулай вариантни танланг.

Маълумотни ўчириш учун  Android –да ахлат қутиси белгисини босинг.